يسأله صديقه عن لعنة الفراعنة
ماهي لعنة الفراعنة؟
يجلس هنبقة مع صديقه على المقهى، و يسأل صديقه: هى ايه لعنة الفراعنة ياهنبقة. اللى بيتكلموا عنها؟
فيقول هنبقة له: وأنت سمعت عنها فين؟
فيقول له: شفت واحد فى التليفزيون بيتكلم عنها.
فيقول هنبقة: وهو أى حد يقول حاجة تصدقه.
فيقول صديقه له: يعنى مافيش حاجة اسمها لعنة الفراعنة؟
فيقول هنبقة: لا فيه طبعًا.
فيقول صديقه: طب ليه بتقول لي ماصدقش. كل حاجة أسمعها؟
فيقول هنبقة: لا أبدًا أنا بنصحك، عشان مش كل اللى بيتقال بيكون صح.
فيقول صديقه: معلم ياهنبقة.
فيقول هنبقة: انا عارف ده كويس.
فيقول صديقه: عارف ايه؟
فيقول هنبقة: عارف إنى معلم.
سبب تصرفات هنبقة الغريبة، وعدم اجابته على سؤال لعنة الفراعنة
يصمت صديقه قليلًا، ثم يعاود السؤال، هى ايه لعنة الفراعنة دى ياهنبقة؟ ما جاوبتش على سؤالى.
فيعتدل في جلسته على الكرسي، وينظر لصاحبه نظرة العارف بخفايا الأمور، ويقول: لعنة الفراعنة ….. ثم يصمت قليلاً، وينظر لصاحبه، وصاحبه ينظر له فى شغف. لمعرفة الإجابة على سؤاله، فيأخذ كوب المشروب الذى أمامه ويشرب منه، ثم يضعه مكانه، ثم ينظر لصاحبه، وصاحبه ينتظر الإجابة بلهفة، فيشير بيده له ويقول: ياصاحبى لعنة الفراعنة هى ….. ويخرج محفظته وينظر فيها، ثم ينظر لساعته ويقول: معقولة الساعة بقت "١١" وينظر له، يسأل هنبقة صاحبه: معك فلوس.
فيقول صديقه له: للأسف لأ.
فيقول هنبقة: أنا لازم أمشى فوراً، لأن فى ميعاد مهم بالنسبة لى، بعد نصف ساعة.
فيقول صديقه له: ولعنة الفراعنة مش هتقول لى عليها.
فيقول له: بعدين … بعدين، لما ارجع من مشوارى. هأقولك على رواية لعنة الفراعنة. اللى بيتكلموا عنها الناس.
ويتجه ناحية الجرسون قبل أن يمشى، فيعتقد صديقه أنه سيحاسب فيقوم ليمشي معه، فيقول له هنبقة: خليك قاعد انا راجعلك تانى، عشان أقولك ايه هى لعنة الفراعنة، فيجلس صديقه ينتظره، و تمر الساعة تلو الأخرى، فيشعر صديقه بالملل فيكلمه فى المحمول، ولكنه لا يرد عليه، فيشعر بالقلق.
 |
| يسأل عن لعنة الفراعنة |
أسطورة لعنة الفراعنة
وبالصدفة، يقوم الجرسون بفتح التليفزيون، وكان زاهي حواس في أحد البرامج يتحدث عن لعنة الفراعنة، وهو يقول: هى مجرد أسطورة في تاريخ الفراعنة، وليس لها أى أساس علمي وان كان التاريخ المصري القديم ممتلئ بالغموض، فجلس صديق هنبقة يستمع له في تركيز، يمكن يفهم أي حاجة عن لعنة الفراعنة، لكنه لم يستطيع أن يفهم أي حاجة منه.
لماذا تركه هنبقة ولم يجبه على السؤال؟
فيقول له: هو هنبقة ما دفعش الحساب قبل مايمشي.
فيقول الجرسون لأ، وقالى انك انت اللى هتحاسب.
فقول صاحبه هنبقة: أنا قاعد مستنيه عشان يقول لى، ايه هى لعنة الفراعنة،
فيقول الجرسون: أنا ماليش دعوة بلعنة الفراعنة، ولاغيره، أنا عاوز الحساب، عشان اسلم الوردية بتاعتى وأمشي.
فيعرف صديق هنبقة أنه هرب من دفع الحساب، فيقول: معلم ياهنبقة، حتى فى الهروب من دفع الحساب.
لقرأة المزيد من حكايات هنبقة وصاحبه اضغط هنا
ليست هناك تعليقات:
إرسال تعليق