يقرأ تطبيق قصص مضحكة مصورة على الموبايل في حجرته
فى عيد ميلاد جدو، تعطيه ابنته هدية موبايل تاتش حديث، فيأخذه منها وهو سعيد، ويطلب من حفيدته أن تعلمه طريقة الإستخدام، فتعلمه كيف يستخدمه، حتى يتمكن معرفة كل امكانياته، واصبح قادر على استخدامه بشكل جيد، وبعد فترة .... من تعلمه يجلس جدو فى غرفته يقرأ تطبيق قصص مضحكة مصورة على الموبايل، وتدخل حفيدته عليه الغرفة فتقول له: ممكن تدينى الموبايل ياجدو العب عليه شويه،
فيتجاهلها ويضحك، فتكرر طلبها له : ممكن تدينى الموبايل العب عليه شوية، ولكنه يواصل الضحك متجاهلاً لها، فترفع صوتها وتكرر طلبها فى غضب : ممكن تدينى الموبايل العب عليه شوية.
فينظر جدها لها ويقول : الموبايل ده بتاعى، ومش هأخلى حد يلعب عليه، وبعدين. مافيش بنت مؤدبة تعلى صوتها كده.
فتقول له : بس أنا اللى علمتك ازاى تستخدمه، وأنا عليت صوتى عشان تسمعنى.
فيقول لها : هتذلينى يعنى عشان علمتيني.
فتقول له : مش قصدى، بس الموبايل ده بتاع ماما.
- لأ بتاعى انا.
- بس ماما هى اللى اشترته وادتهولك.
- اه ادتهولى بمناسبة عيد ميلادى، وبكده بقى بتاعى.
- لأ بتاع ماما، وأنا بنتها ولىَّ فى الموبايل ده.
- وهى بنتى جابتهولى هدية، بمناسبة عيد ميلادى وباقرا "قصص مضحكة مصورة" عليه دلوقتى.
- بس ده بتاع ماما، اللى هى مامتى من اكتر من عشر سنين.
- وده بتاع بنتى اللى، هى بنتى من أكثر من خمسين سنة، وقبل ما انت تولدي بسنين طويلة كمان، ومش هاديهولك، ويكمل قرأة التطبيق، مع ضحك بصوت عالى مستفز، متجاهلا لوجودها، وهى تنظر له فى غضب شديد .
 |
لقرأة المزيد من حكايات جدو وأسرته اضغط هنا
ليست هناك تعليقات:
إرسال تعليق