يلعب لعبة كلمات كراش ويرفض سماع نكته البايخة

فى المقهى يجلس مدبولى ويمسك الموبايل وهو يلعب لعبة كلمات كراش يأتي ظريف ويشد كرسى ويجلس معه ويقول له: بتعمل ايه على الموبايل ياكابتن؟

فينظر له مدبولى باستخفاف ويقول له: كابتن 

فيقول ظريف: شكلك اتضايق من كلمة كابتن 

فيقول مدبولى: آه تضايقت، وياريت تسيبنى اقعد لوحدى 

فيقول ظريف: هو ايه اللى ضايقك من كلمة كابتن

فيقول مدبولى: هو حضرتك شايفني لابس شورت عشان تقولى ياكابتن

فيقول ظريف له: أنا آسف ولا تزعل نفسك خالص، ممكن بقى تقولى بتعمل ايه على الموبايل؟

فينظر له فى احتقار ويقول له: وانت مالك

فيقول ظريف: واضح انك بتلعب لعبة منزلها من على جوجل بلاي أو تطبيق منزله من جوجل بلاي 

فيقول له مدبولى: مالكش دعوة، ويواصل لعب لعبة كلمات كراش على موبايله

فيقول ظريف له: أنت ليه مش عايز تاخد وتدى معايا فى الكلام

فيقول مدبولى: مش فاضى لك

فيقول ظريف: واضح فعلاً انك مش فاضى، طب اسمع أقول لك نكتة وبعدها اسيبك وامشى

فيقول مدبولى وهو مركز فى الموبايل: لأ

فيقول

ظريف: اسمعنى بس دى نكتة هتعجبك 

فيقول مدبولى: لأ

فيقول له ظريف: أنت ليه مش عاوز تسمع النكتة

فيقول مدبولى: عشان أنت بتقول نكت رخمة 

فيقول ظريف: أنت ليه حكمت عليها قبل ماسمعنا

فيقول مدبولى: أنا حر يا أخى، هو انت هتسمعنى النكت الرخمة بتاعتك بالعافية 

فيقول ظريف: ده كان زمان، لكن دلوقتى النكت بتاعتى اتحسنت

فيقول مدبولى: والله يعنى، هو يعنى، اتحسنت، ماتحسنتش انا مش فاضى اسمع نكت 

فيقول ظريف له: ليه؟

فيقول مدبولى: لأني بالعب لعبة كلمات كراش على الموبايل

فيقول ظريف: ممكن تسمع النكتة وانت بتلعب

فيقول مدبولى: أنا دلوقتى مزاجى رايق ومش عاوز حد يعكنن عليه 

فيقول ظريف: اسمع النكتة بتاعتى وانت هتنبسط، وفى تلك الأثناء كان يجلس بجوار مدبولى رجل معه كلب وكان يتابع الموقف فيقول للكلب الذى معه: عليه يازيكو، فينطلق الكلب نحو ظريف وما أن يراه ظريف يقترب منه يحاول أن يقوم من على الكرسى، فيقع به الكرسى على الأرض، فيحاول، أن يتخلص من الكرسى ليهرب من الكلب، وبعد أن يتخلص منه يجرى على يديه ورجليه،  ومدبولى يضحك ويقول: دى بقى أحلى نكتة شوفتها منه هههههههه، ويواصل لعب كلمات كراش وهو فى قمة السعادة.

يلعب لعبة كلمات كراش ويرفض سماع نكته البايخة

أحمد البوهى