سافر لرحلة استكشافية لكوكب المريخ
يسأل المدرس التلميذ : لماذا لم تحضر الأسبوع الماضى كله ؟
فيقول التلميذ : كنت في رحلة استكشافية لكوكب المريخ
فيقول المدرس فى تعجب : كنت فين ياشاطر ؟
فيقول التلميذ بثقة : فى المريخ يا أستاذ
فيقول المدرس : وسافرت للمريخ ازاى؟
فيقول التلميذ : بصاروخ طبعاً
فيقول المدرس : وسافرت فى رحلة للمريخ ورجعت فى أسبوع !!
فيقول التلميذ: أه
فيقول المدرس : ليه كنت مسافر فى رحلة لشرم الشيخ ؟
فيقول التلميذ : واضح ان سيادتك مش مصدقني
فيقول المدرس : طبعاً مش مصدقك
فيخرج التلميذ الموبايل ويقول : عشان تتأكد سيادتك دى صورتى وأنا على المريخ
فيضحك المدرس : ههه وعايزنى أصدقك عشان الصورة دى
فيقول التلميذ : أيوه
فيقول الأستاذ: يابنى دى أكيد فوتوشوب
فيحرك التلميذ الصورة ويثبت الصور على صورة له مع مجموعة من الكائنات الغريبة ويقول : ودى صورتى مع سكان المريخ، وعلى فكرة يا أستاذ دول ناس ودودين جداً وبيرحبوا باى حد يطلع عندهم
فيقول الأستاذ : يا سلاااام
فيقول التلميذ : واضح ان سيادتك مش مصدقني
فيقول المدرس : طبعاً مش مصدقك لأن مافيش حد يسافر فى رحلة للمريخ ويرجع فى أسبوع
فيقول التلميذ : تحب أقول لك عن الجو هناك عامل ازاى
فيقول المدرس : اتفضل قول
فيقول التلميذ : الجو هناك لا برد ولا حر ولا صيف ولا شتاء واليوم هناك لا نهار ولا ليل
فيقول المدرس : انت بتقول اى كلام
فيقول التلميذ : أنا بأوصف اللي شفته
فيقول المدرس : عشان أصدقك هات أبوك بكرة معاك ولو جيت من غيره مش هادخلك الفصل
فيقول التلميذ : مش هينفع يا أستاذ
فيقول المدرس : ليه مش هينفع ؟
فيقول التلميذ : لأنه سافر برحل استكشافية لكوكب زحل ومارديش ياخدنى معاه
فيقول المدرس : ليه؟
فيقول التلميذ : بصراحة ما أعرفش
فيقول المدرس : لما يرجع خليه يجى
فيقول التلميذ : الرحلة لزحل تستغرق سنة كاملة .
 |
| سافر لرحلة استكشافية لكوكب المريخ |
لقرأة المزيد من حكايات الأستاذ اضغط هنا
أحمد البوهى
ليست هناك تعليقات:
إرسال تعليق