سلسلة ذهب، اشترتها من صايغ، فيها عيب، خطير
محتويات الحكاية
سعر الذهب اليوم
تجلس الحمارة. في بيتها. تحاول، أن تفعل أي شئ، يخرجها، من حالة الملل، التي تشعر بها، ولكنها تفشل، فتفتح النت، تتابع أسعار الذهب، وترى سلسلة تعجبها.
سلسلة ذهب، عيار ١٨ بألفين جنيه
وتلبس ثيابها، وتذهب إلى سوق المدينة، تتابع البضائع المعروضة، لتحاول الخروج. من هذه الحالة، وأثناء سيرها، تري السلسة، التي أُعجبت بها، وهي سلسلة، على شكل حرف D، مكتوب تحتها، سلسلة ذهب جديدة، عيار ١٨، كانت معروضة، في محل صائغ، وكان سعرها ١٨٠٠ جنيهًا، فتدخل المحل، فيرحب بها الصائغ، ويعرض عليها تشكيلة كبيرة، من السلاسل، ولكنها تختار السلسلة، التى رأت مثلها، على النت وتشتريها، حيث أن المبلغ، كان معها، وبعد ذلك، قامت بفتح العلبة، وأخرجتها، وقامت بلبسها، وهي سعيدة، فخرجت، من حالة الملل، التي كانت تعاني منها، فقررت أنت تمشي، في شوارع المدينة، وأثناء سيرها، يراها الحمار، والكلب، فيقول الكلب للحمار: أنت شايف. السلسلة الذهب، اللي لبساها الحمارة.
فقال له الحمار: أه، سلسلة جميلة.
الكلب يطلب من الحمار، أن يستغل الموقف، ليكلمها
فيقول الكلب: هى جميلة فعلًا، وعلي الرغم، انه واضح انها سلسلة غالية، ولكن فيها عيب للأسف.
فيقول له الحمار:وايه العيب، اللي فيها؟
فيقول له: للأسف، الحرف مقلوب.
فيقول الحمار له: أنا أمي، و مبعرفش أقرأ عربي، يبقى هاقرا انجليزي، ويواصل كلامه: هو ايه حرف ال"D". ده أصلًا؟
فيقول الكلب: أنت فعلًا، حمار يضَّحك صحيح، ما أنا عارف انك أمي، لكن أنا باعرف أقرا، وباقولك، الحرف، اللي في السلسلة مقلوب، ودي فرصتك، عشان تكلمها، وتُصلح علاقتك معاها -حيث أن الكلب، يحاول دائمًا، أن يُقرب بينه وبينها- ولكن كل محاولاته، عادةً ما تبوء بالفشل، بسبب سوء تصرفات. الحمار معها.
فيعاود الحمار سؤاله: هو ايه. حرف الD ده؟
فيقول الكلب له: مش مهم تعرف، المهم، روح اعمل، اللي قولت لك عليه.
فيقول الحمار: هقولها ايه يعني؟
فيقول الكلب له في عصبية: يا أخي، روح، قولها أن السلسلة الذهب، اللي هيا لبساها، فيها عيب، وان الحرف مقلوب، وخدها للجواهرجي، يديها واحدة غيرها، الحرف بتاعها. مش مقلوب، ولا الحكاية دي، صعبة عليك.
فيقول له: أنت شايف كده.
فيقول له: ايوه، يلا روح لها، قبل ماتبعد عننا، وبطل خوف، وياريت ماتعملش معاها مشكلة، زي كل مرة.
الحمار يقول للحمارة، علي العيب الموجود في السلسلة الذهب، فما الذي حدث بعد ذلك؟
ويسرع الحمار ويلحق بها، ويقول لها: السلام عليكم.
ولكن الحمارة. تكمل سيرها، دون أن ترد عليه، فيقول الحمار لها: أنتي مش بتردي السلام ليه، ولكنها تكمل سيرها، دون أن ترد عليه، وهي تقول في سرها: أنا ماصدقت، خرجت من حالة الملل، ومعنديش استعداد، الغبي ده، يرجعني ليها.
فيقول الحمار: على فكرة، السلسلة الذهب، اللي انتى لابسها، جميلة قوي.
فتقول له، في كسوف: شكرًا.
فيقول لها: بس، فيها عيب للأسف، رغم ان، واضح، ان سعرها غالي.
فتقول له: عيب، ايه العيب ده؟ ده انا اشتريتها. بألفين جنيه، بالمصنعية بتاعتها.
فيقول لها: حرف الD، اللي في السلسلة مقلوب.
فتنظر للسلسلة وتقول: ازاى، أنا ماخدتش بالي.
فيقول لها: ولا يهمك، تعالي، نروح للجواهرجي، ونغيرها.
العمدة. يوضح للحمارة الحقيقة، فب عيب السلسلة الذهب
وتقرر الذهاب معه إلى المحل، الذي اشترت منه السلسلة، وأثناء سيرها، يتقابلوا مع العمدة، فيقول الحمار له: الدنيا مابقاش فيها أمان خالص، ياعمدة.
فيقول العمدة له: ليه حد سرقك؟
فيقول الحمار: الحمارة صاحبتي….
تقاطعه، وتقول: مش لمجرد اني مشيت معاك، أبقى صاحبتك.
فيقول العمدة: مش ده موضوعنا دلوقتي، ايه الحكاية؟
فتقول: أنا اشتريت السلسلة الذهب دى، من جواهري، فينظر العمدة للسلسلة ويقول: سلسلة جميلة فعلًا، فين المشكلة؟
فتقول: أنت مش ملاحظ فيها حاجة.
فيقول: لا.
فتقول: بس الحمار خد باله، وجه قالي، كتر خيره.
فيضحك، ويقول: الحمار خد باله، هو الحمار ده، بيفهم أصلًا، عشان ياخد باله، من أى حاجة.
فتقول الحمارة له: أه، بيفهم.
فيقول العمدة لها: ده حمار مسخرة، ومعرف في البلد، انه حمار يضحك، الحزين المهموم، اللى نفسه مسدودة، عن الدنيا، واللي فيها
فتكرر رأيها في الحمار، وتقول: لأ بيفهم، وكتر خيره، يضحك الحمار، ويقف فخورًا بنفسه.
فيقول العمدة: متنفش ريشك، علينا قوي كده.
فتقول الحمارة: حقه، كفاية انه خد باله من العيب، وجه قال لي عليه.
فيقول العمدة: طب ممكن تفهميني ايه العيب؟ اللي في السلسلة الذهب، لأن أنا شايف، انها مافيهاش أي عيب، وواضح كمان انها غالية.
فيقول الحمار في فخر: حرف الD مقلوب ياعمدة.
فيقول العمدة: أنت بتعرف تقرا عربي، لما تقرا انجليزي.
فتقول الحمارة له: طبعًا بيعرف انجليزي، والا ماكنش خد باله من العيب الخطير ده، فيضحك العمدة ويمد يده إلى السلسلة، فيقول الحمار له: اوعى تمد ايدك لارفسك.
فيقول العمدة له:ماشي يا عم الدكر، وينظر للحمارة، ويقول لها: ممكن تقلبي الحرف، فتقلبة، فتجد أن حرف ال"D" أصبح معدولًا، فيقول العمدة للحمارة: مش قولتلك ده حماااار، مابيعرفش يقرأ عربي، هيقوم يقرأ انجليزي.
فيقول الحمار لها: هو الحرف فعلًا اتعدل، فتضربه بشنطتها، وتقول له: إياك تتكلم معايا تاني، أنت فاهم، وتتركه وتمشي والعمدة، يقهقه من هذا الموقف، وهو يقول: سلسلة ذهب اشترتها من صايغ فيها عيب، ومين اللي يقولها على العيب، الحمار هههههههه، والحمار ينظر له فى بلاهة متناهية.
أحمد البوهى
ليست هناك تعليقات:
إرسال تعليق