رسم كاريكاتير، بشكل جديد، ومختلف تمامًا
محتويات القصة
رسامة كاريكاتير
أثناء جلوس الطفلة، في غرفه جدها، تخرج قلم رصاص وورقة، من شنطتها، وترسم رسومات كاريكاتيرية.
فيسألها جدها: أنت بتعملى ايه؟
فتقول له: بارسم ياجدو رسومات كاريكاتيرية، لأن أنا نفسي لما أكبر، أشتغل رسامة كاريكاتير، وأنشر رسوماتي في أكبر المجلات، والصحف، والمواقع، العالمية، والعربية، والمصرية، أنقد بيها اللي مايعجبني. من تصرفات الناس.
فيقول جدها لها: وأنت بتعرفي ترسمي، رسومات كاريكاتيرية.
فتقول له: أه ياجدو باعرف.
فيقول لها جدها: وانا كمان، بعرف ارسم كاريكاتير، بشكل مختلف، وجديد تمامًا، وأنا لي مدرسة جديدة. فى الرسم الكاريكاتيري، وأنا فنان كاريكاتير مختلف، ورسمي كمان مختلف وجديد، وليس له مثيل.
فتقول له: بس أنا عمري. ماشفتك بترسم أي حاجة.
فيقول لها: أنا كل يوم لازم أرسم حاجة، قبل ما أنام، ودي هوايتي المفضلة من زمان.
فتقول له: طب ممكن توريني رسمك ياجدو، عشان أتعلم من مدرستك الجديدة.
يرفض أن ترى رسمه
فيقول لها: مش هينفع.
فتقول له: ليه؟
فيقول لها: احب احتفظ بالسبب لنفسي.
فتقول له: أكيد رسمك مش حلو، ياجدو، ومكسوف اني أشوفه.
فيقول لها: لا مش ده السبب.
فتقول له: طب ايه هو السبب.
فيقول لها: أحب أحتفظ به لنفسي، زي ما قولت لك منذ قليل.
فتقول له: مافيش سبب يخليك، تخاف تخلي الناس تشوف رسمك، غير انه يكون مش جميل.
فيقول لها : لأ مش شرط.
فتقول له: أكيد هو ده السبب.
فيقول لها : لا مش هو ده السبب.
فتقول له: طب ليه مش عاوز تخليني أشوف رسمك، أي فنان يحب كل الناس تشوف رسمه.
فيقول لها: أنا لي أسلوب جديد، ومختلف في الرسم، زي ماقلت لك منذ قليل.
تتركه ليرسم براحته
تخرج ورق من شنطتها، وتعطيه له مع قلم، وتقول له: طب خد ارسم حاجة دلوقتي، علشان أشوف أسلوبك الجديد في الرسم.
فيقول: أنا بحب أرسم، وأنا لوحدي.
فتقول له: أنا هخرج واسيبك ترسم، ولما تخلص نادي على، عشان اشوف رسمك، عشان أتعلم منه، وتترك له الورق والقلم وتخرج، فيشعر بالحرج ويقول لنفسه: أعمل ايه في الورطة دي، أنا أكتر حاجة، كنت فاشل فيها الرسم، ويجلس ينظر للورق والأقلام، وهو يفكر في طريقة تخرجه من هذه الورطة، ويجلس فترة محتارًا، لايعرف ما الذي يمكن أن يفعله، ليخرج من الورطة التي وضع نفسه فيها، وبعد فترة تفكير.
يناديها لترى رسومه
ينادي على حفيدته، فتدخل وتقول له: وريني الرسم بقى، ياجدو اللي انت رسمته، فيشير لها الى كومة من الورق الممزق، فتقول له: ايه الرسم الكاريكاتير العجيب ده ياجدو، انا ماكنتش أعرف انك فنان كده، رسم فعلًا جديد، ومختلف، وماشوفتش زيه في حياتي كلها.
فيقول لها: شكرًا.
فتقول له: انت صدقت، اني بمدح رسمك.
فيقول لها: آه.
فتقول له: كل اللى انا شيفاه، شوية ورق متقطع.
فيقول لها: ماهو رسم الكاريكاتير بتاعي كله كده.
فتقول له: وانا اشوف رسمك عليه ازاى، وهو مقطع كده؟
فيقول لها: انا كده من زمان، أرسم كاريكاتير، وبعدين أقطع الرسم اللي عملته.
إقرأ المزيد من حكايات جدو وأسرته
أحمد البوهي
ليست هناك تعليقات:
إرسال تعليق