يطلب منه أموال لشراء فانوس رمضان
محتويات الحكاية
- يسأله متى شهر رمضان
- يعرف أن شهر رمضان هو شهر الصيام
- يطلب منه بعض الأموال لشراء فانوس
- هنبقة يسأله عن سبب شرائه للفانوس
- يقابله على المقهى في المساء
يسأله متى شهر رمضان
يسير هنبقة مع صديقه، ويريد صديقه. أن يطلب منه أموال لشراء فانوس رمضان، فيسأله صديقه محاولاً أن يمهد لهذا الطلب: هو رمضان امتى؟
فيقول له هنبقة: بعد كام يوم.
فيقول صديقه له: هو شهر رمضان، هو شهر الصوم؟
فيقول هنبقة له: لأ.
فيفول صديقه له: انت بتضحك علىَّ، شهر رمضان، هو شهر الصيام.
فيقول هنبقة له: لأ مش شهر الصوم
فيقول صديقه له: لأ، أنا متأكد. إن رمضان هو شهر الصوم.
فيقول هنبقة له: طالما انت متأكد إن شهر رمضان، هو شهر الصوم، بتسألني ليه؟
فيقول صديقه له: كنت بتأكد منك، بس.
فيقول هنبقة له متعجبًا: انت. مش بتقول انك متأكد!! يبقى بتسألني ليه؟
فيقول صديقه له: زيادة تأكيد.
وبعد فترة يسأله مرة أخرى: هو شهر رمضان، هو شهر الصوم.
يعرف أن شهر رمضان هو شهر الصيام
فينظر له هنبقة في غضب، ويقول له: انت مش لسه سألني، السؤال ده من شوية.
فيقول صديقه له: أه.
فيقول له: طب بتسألني. تاني ليه؟
فيقول صديقه له: زيادة تأكيد.
وبعد فترة. يقول صديق له: ممكن أسألك سؤال؟
فيقول له هنبقة: يابني انت مش لسه سألني. عن شهر رمضان.
فيقول صديقه له: أنا هسألك. عن حاجة تانية.
فيقول هنبقة له: عاوز تسأل عن ايه؟
فيقول صديقه له: هو ده الشهر. اللى الناس بتجيب فيه فوانيس
فيقول له: آه
يطلب منه بعض الأموال لشراء فانوس
فيقول صديقه له: ممكن تسلفني. عشان اجيب فانوس.
فيقول هنبقة له: انت كبير، والفواتيس دى للاطفال الصغيرين.
فيقول صديقه له: جاري على كبير، ومن سني، واشترى فانوس.
فيقول هنبقة له: أكيد اشتراه لابنه.
فيقول صديقه له: مش متجوز.
فيقول هنبقة: أكيد لابن أخته، أو اين أخوه.
فيقول صديقه له: ده وحيد، وعمري ماشفت له قرايب.
هنبقة يسأله عن سبب شرائه للفانوس
فيقول هنبقة له: وهاتعمل ايه بالفانوس؟
فيقول صديقه له: هاعلقه، على الباب بتاع بيتى.
فيقول هنبقة له: يابنى انت قاعد على سطوح عمارة، ومنك للسما، انت هتضحك علىَّ.
فيقول صديقه له: انا كلمت نحار، هيبني لي غرفة خشب بباب.
فيقول هنبقة. بعد أن شعر بالملل منه: يعني انت عاوز فانوس.
فيقول صديقه له: أه
فيقول له هنبقة: انا هاديك فانوس.
يقابله على المقهى في المساء
فيقول له: هتديهولى امتى؟
فيفول له هنبقة: قابلني بالليل على القهوة، عشان اديهولك.
وفى المساء يعطيه هنبقة الفانوس، فيفرح صديقه به، ويأخذ الفانوس ويذهب إلى السطوح، وما أن يجلس يظهر له العفريت، فيقول: أنا كده افتكرت أنا شوفت الفانوس ده فين قبل كده، معلم ياهنبقة.
فيقول له العفريت: أه هو معلم، ياريت بقى تدلعني.
وفى بيته يجلس هنبقة سعيدًا ويقول لنفسه: أنت مش عاوز فانوس ياصاحبي، وعمال تزن، اديني طلعت الفانوس، اللي فيه العفريت اللي بيحب يتدلع. بعد ماكنت دفنته في الأرض عشان أخلص منه، من فترة، اديك هاتقضى رمضان كله تدلع فيه، ههههههه.😆😆
المزيد من حكايات هنبقة وصاحبه
ليست هناك تعليقات:
إرسال تعليق