سحر هنبقة 

يذهب صديق هنبقة الى الغابة ومعه فأس وينظر الى الشجر الموجود بالغابة فى الفجر فيجد كل الشجر يقف عليه عصافير 

فيقول لنفسه: يا ابن الإيه يا هنبقة خبيت الفلوس تحت كل شجر الغابة عشان ماحدش يعرف ياخد الفلوس كلها بس على مين .

ويبدأ فى الحفر أسفل الشجر كله فلا يجد شيئًا حيث ان هنبقة لم يأت الى هذا المكان أصلا وربما لم يراه فى حياته لأنه دفن أمواله فى الجانب الأخر من الغابة.

وبسبب اصوات الضوضاء التى أحدثها صوت إرتطام الفأس بالأرض اثناء حفره تحت الشجر طارت كل العصافير من فوق الشجر فلما انتهى ونظر للشجر ولم يجد أى عصفورة تقف عليها قال لنفسه: انت غبى ومش هتقدر تسرق هنبقة لأنه ذكى، واضح انه سحر الغابة كلها ، وأى حد هييجى وهو ناوى يسرق فلوسه يتهيأله ان العصافير واقفة على كل الشجر فمايعرفش يوصل للمكان اللى دفن فيه الفلوس بتاعته.

ولكنه ينتبه ويقول: بس انا دورت تحت كل الشجر ومالقيتش حاجة 

فيواصل قائلا: سِحر أكيد سِحر زى ما سَحر الشجر كله وخلى الواحد يتهيأله انه كله عليه عصافير عشان مايقدرش يوصل للشجرة اللى دفن تحتها الفلوس أكيد سَحر الأرض عشان ماحدش يشوف فلوسه غيره.

ويشعر بالتعب بعد أن حفر تحت كل الشجر الموجود فى المنطقة التى ذهب إليها من الغابة فيقول لنفسه: بلاش تلعب مع هنبقة اديك تَعبْت نفسك على الفاضى ومااخدتش غير التعب وان جسمك كله اتملى تراب من الحفر.

ويلتفت إلى اليمين والى اليسار ويقول: يا ترى مسلط الجن انهم يقولوا له ان فيه حد حاول يسرق الفلوس ولا لأ ويواصل: ماظنش كان زمان الجن أذانى، ويلا بقى أخلع من هنا لأحسن يحصلك حاجة .

سحر هنبقة

هنبقة أذكى رجل فى العالم
واد مافيش منه اتنين
هاتوا لى فلوسى 

حكايات هنبقة 

أحمد البوهى