هاتو لى فلوسى
يحتاج هنبقة لبعض الأموال فيتذكر الأموال التى خبأها فى الغابة فيقرر الذهاب إلى الغابة لإحضارها ويقول لصديقه : أنا هاروح أجيب فلوسى من الغابة تيجى معايا
يتوجهون سويا نحو الغابة وعندما يصلون إليها يقول هنبقة : ايه ده شجر الغابة كله واقف عليه عصافير
- واحنا مالنا يا هنبقة
- واحنا مالنا ازاى أنا معلم الفلوس بشجرة كان واقف عليها عصفور و دلوقتى الشجر كله واقف عليه عصافير
- طب هنعمل ايه يا هنبقة عشان تلاقى المكان إللى انت حطيت في الفلوس
يفكر قليلا وينظر حوله محاولا تذكر مكان الفلوس ولكن لا يستطيع فيقول : هنضطر اننا نحفر تحت الشجر كله .
يبدأون فى الحفر تحت الشجر شجرة شجرة ، وأستمروا على هذا الحال طوال اليوم ولم يجدوا شيئاُ لأنه كان قد أخفى الفلوس فى مكان آخر من الغابة ، فيجلس هو وصديقه منهكين من التعب تحت أحد الأشجار والحفر حولهم فى كل مكان فيقول صديقه له : بس انت معلم يا هنبقة
- معلم ازاى وانا مش عارف اوصل لفلوسى
- ماهى دى المعلمة انك خبيت الفلوس فى مكان ماحدش هيقدر يوصله لدرجة انك انت نفسك مش قادر توصله وهى دى المعلمة
- بس أنا مش عاوز أبقى معلم ، أنا عاوز فلوسى
ويقوم وهو منهك من التعب حاملاً فأسه لمواصلة الحفر فيقع فى إحدى الحفر التى حفرها وتلتوى ساقه فيبدأ فى الصراخ من الألم فيجرى صديقه نحوه ليخرجه من الحفرة وتجتمع حولهم مجموعة من القرود عندما يسمعون صراخه فيساعدون صديقه فى إخراجه من الحفرة ويحمله أحدهم ويعودون به إلى بيته وهو يقول وهم يحملونه : فلوسى ضاعت منى ، شقى عمرى راح ، أنا عاوز فلوسى ، هاتوا لى فلوسى .
 |
| هاتو لى فلوسى |
هنبقة أذكى رجل فى العالم
واد مافيش منه اتنين
سحر هنبقة
أحمد البوهى
ليست هناك تعليقات:
إرسال تعليق