البخيل للمرة التانية يتعزم ومايلاقيش أكل
البخيل للمرة التانية يتعزم ومايلاقيش أكل
يقول البخيل لزوجته : الشيف عامل عزومة لأهل البلد كلها على الغدا النهارده تحبى تيجى معايا
فتقول له : مش ده إللى خلاك تقطَّع هدومك قبل كده
- معلش المسامح كريم
- طب فين الوفاء ليهم إللى كنت بتتكلم عليه
- موجود طبعاً ومش ممكن أنساهم وبعدين الحمد لله ربنا رزقني بلبس جديد عوضنى عنهم
- ومش خايف يكون الأكل زى بتاع المرة إللى فاتت وتقطع دول برضو
-ممكن بس مجرد ان الواحد يأكل ببلاش دى متعة تخلى الواحد يضحى بأى حاجة عشانها ، ومابتحصلش كتير العزومات إللى ببلاش دى
وبعد أن ترفض الذهاب معه يتركها ويخرج مسرعاً متجها لبيت الشيف .
وهناك يجد مجموعة من أهل القرية يقفون أمام بيت الشيف ينادون عليه فيخرج لهم ويقول فى استغراب : انتوا متجمعين قدام بيتى ليه؟
فيقول البخيل : عشان ناكل العزومة إللى انت وعدتنا بيها
- أنا ماعزمتش حد على حاجة
- ازاى ده الحمار قال لنا انك عزمنا على أكله حلوة
فيقول الحمار : أنت مش قولت لى انك عامل عزومة كبيرة
- ايوه حصل بس ما قلتلكش انى عازم أهل البلد ، دى عزومة لبعض اقربائى
ويلتفت لهم ويقول : بالزمة حد يسمع كلام الحمار برضو مانتوا كلكم عارفينوه
فيقول الحمار : لو سمحت ماتقوليش ياحمار
- أمال انت ايه
- ما أعرفش بس لما ألاقى الخاتم هاعرف
يضحك الشيف ويقول : بالزمة ده حد يسمع كلامه
فيقول البخيل فى غضب : للمرة التانية أدفع فلوس المواصلات وبعدين مااتعزمش .
والتفت للحمار ويقول : انت عاطف العاطفى افسدتم كل نظرياتى الاقتصادية .
البخيل للمرة التانية يتعزم ومايلاقيش أكل
حكايات البخيل
تعليقات