بيطلب منه انه يطلع النخلة ويحضر له بلح
هنبقة يطلب من صديقه ان يصعد النخلة ليحضر له بلح
فيقول له صديقه : تانى مش كفاية إللى حصل لى أول مرة
- احنا كان فيه بينا اتفاق ولازم تنفذه
- يعنى عشان خليت البخيل يفتح لك الباب تفضل تطلب منى طلبات غريبة
- أه لانى لو البخيل ماكانش فتح كنت هتاخد منى ألف جنيه ، صح
- صح
- يبقى لازم تنفذ الإتفاق إللى بينا
- يعنى عايزنى أطلع النخلة وأجيب لك بلح
- أه
- بس أنا مابعرفش أطلع النخل وممكن أقع وأتعور
- ماليش دعوة
- طب ممكن أحدف البلح بطوبة فيقع وأجيبهولك
- لأ أنا عاوزك تطلع تجيبه بنفسك من على الشجرة
- بلاش تعند ياهنبقة وانت شفت المرة إللى فاتت الطويل خد هدومنا لما طلبت منى انى اروح له وأضربه بعد ماضربنى ممكن المرة دى أقع عليك وأعورك
- ماتخافش هاقف بعيد
- طب لو خليت البخيل يفتح لى الباب هتبطل تطلب منى حاجة
- أه وورينى شطارتك
يقف يفكر قليلاً ثم يقول له تعالى : نروح لبيت البخيل وأنا هاخليه يفتح الباب عشان أخلص من طلباتك
وعند باب البخيل يقف صديقة يطرق الباب ولكن البخيل لايفتح له الباب فظل يطرق الباب معتقداً ان البخيل سيفتح الباب ليتشاجر معه ولكن بعد فترة وجد البوليس يأتى ويقبض عليه فيقول للضابط : انت بتقبض علىَّ ليه ؟
فيقول الضابط له : جالنا بلاغ من البخيل انك بتحاول تكسر باب شقتة عشان تسرقه .
وعندما يسمع البخيل صوت سرينة الشرطة يفتح الباب ويقول للضابط : وياريت سعادتك تجيب لى تمن مكالمة التليفون اللى طلبتكم بيها عشان تحمونى من الحرامى ده.
أحمدالبوهى
ليست هناك تعليقات:
إرسال تعليق