اتزحلق على قشرة موز
يتسكع هنبقة و صديقه فى شوارع القرية وهو يأكل موز يلقى بقشره على الأرض وعند عودته يتزحلق ويقع على الأرض بسبب قشرة من قشر الموز الذى رماه على الأرض فيقول له صديقه : انت اتزحلق ووقعت بسبب قشرة الموز ياهنبقة
فيقول له هنبقة : انت تعرف عنى انى ممكن أتزحل وأقع وأنا ماشى
- علشان كده مستغرب انك اتزحلقت ووقعت
- يابنى إفهم أنا ماتزحلقتش
- والله حصل ده ايه ؟
- بعلمك ياجاهل
- بتعلمنى ايه ياهنبقة ؟
- بأعلمك إن قشر الموز بيزحلق عشان تاخد بالك وانت ماشى وماتدوسى عليه عشان ماتزحلقتش وتقع على الأرض وتتعور
- طول عمرك معلم ياهنبقة
- أه
- أشكرك انك متواضع دايماً بتأيد كلامى
- بس أنا مش بأيد كلامك أنا بتألم من الواقعة
- طول عمرك ياهنبقة بتضحى عشانى
- أه
- انت لسه بتتألم
- لأ أنا بأيد كلامك يا صاحبى
- طب هات ايدك عشان أقومك
- خد ياصاحبى
- ياااه انت تقيل قوى ياصاحبى
- أه
- و الأه دى من الألم ولا انت بتأيد كلامى
- مش عارف
- طب انت مش ملاحظ حاجة
- مش واخد بالى
- انت مش ملاحظ انك دايس على رجلىَّ برجلك
- لأ مش ملاحظ
 |
| اتزحلق على قشرة موز |
أحمد البوهى
ليست هناك تعليقات:
إرسال تعليق