ذهبا لشقق سوبر لوكس
تقف الفأرة مع الفأر فى أحد شوارع المدينة ليلاً وتصرخ فجأة وتقول : التهيوأت واقفة هناك ايه انت شايفها
فيقول الفأر : أيوه شايفها أسكتى لتسمعنا وتيجى تعاكسك وتضربنى
- وانت ليه مش بتضربها
- كل ما أبدأ فى ضربها تحصل حاجة تشتت تركيزى فتستغل هى الموقف وتضربنى
- طب ماتروح تحاول المرة دى يمكن مايحصلش حاجة
- مافيش داعى اننا نفسد الليلة الحلوة دى وخصوصاً انى عاوز أخدك فى مكان جديد
- فين ؟
- شقق لسه ماحدش سكن فيها ومتشطبة تشطيب سوبر لوكس
- وهى فين الشقق دى
- تعالى نروحها وانت تعرفى هى فين
وتمشى معه حتى يصلا الى مكان الشقق ويدخلا أحد الشقق من الشباك ويتجولان فى الشقة وتعجب الفأرة بالشقة ويقضيان الليل معاً والفأرة سعيدة جداً وتقول له : انت اول مرة تودينى مكان مايحصلش فيه حاجة تضايقنى
- لو عجبك المكان نقعد فيه لحد ما الشقق تتباع - أنا موافقة
ويمر الليل ويأتى الصباح فتشعر الفأرة بالجوع فتقول له : أنا جُعت
- وأنا كمان
- طب تعالى نروح المطبخ ندور على أى حاجة ناكلها
- أنا دخلت ومالقيتش حاجة
- أه وده العادى لان المكان لسه ماحدش سكن فيه
- أه
فتقول الفأرة فى غضب: والحل
- مش عارف
- يعنى ايه مش عارف؟ انا جعانة
- مافيش حل الا اننا ننزل البلد ندور على أكل
فتصرخ فى وجهه : انت عايزنى أمشى التلاتين كيلو إللى احنا جناهم بالليل وأنا جعانة انت بتستعبط
- مافيش حل تانى
- فتقول بصوت عالى : خدنا ايه احنا بقى من السوبر لوكس بتاعك .
 |
| ذهبا لشقق سوبر لوكس |
ليست هناك تعليقات:
إرسال تعليق