هنبقة يتخلص من الفانوس
يسير هنبقة ليلاً مع صديقه وهو يحمل الفانوس فيقول له صديقه : واخدنى ورايح فين فى الوقت ده ياهنبقة
- ارجع الفانوس ده للحمار إللى من ساعة ما خدناه منه وماشوفناش منه أى خير
- وليه عاوز ترجعه بعد الفترة دى كلها أنا خلاص اتعودت على العفاريت إللى جواه ؟
- العفريت الجديد إللى سكن جواه ده أعيل من أخوه كل يوم بالليل يصحينى من أحلها نومة عشان إحكى له حدوته لانه مابيعرفش ينام إلا بعد ما يسمع حدوتة وياريت بيحقق للواحد إللى هو عايزه
وعندما يصل هنبقة وصديقه لبيت الحمار يجدا الباب مفتوحاً فيدخلا ويضع هنبقة الفانوس ويخرج مسرعاً هو صديقه قبل ان يشعر به الحمار وبعد ان يخرج يقول : الحمد لله خلصت انى خلصت من العفريت المزعج ده
وفى الصباح فى بيت الحمار يجد الحمار الفانوس بجواره فيقول : ايه ده انت رجعت تانى ازاى ؟
فيسمعه العفريت فيعرف أن هنبقة أعاد الفانوس للحمار فيخرج من الفانوس وهو يضحك ويقول: حبيبى وحشتنى وماقدرتش ابعد عنك عشان كدة رجعت لك تانى يللا بقى دلعنى واحكى لى حواديت
فيقول الحمار فى نفسه: هو العفريت العيل ده مش هاعرف أخلص منه هو أنا كنت خلفته عشان أقعد ادلع فيه
وفى تلك الأثناء كان هنبقة وصاحبه يقفان بجوار شباك الحمار يراقبانه لمعرفة رد فعله فيقول هنبقة لصاحبه : يعنى العفريت العيل ده كان بيضحك عليا والف الحكاية دى علشان إحكى له حكايات بالليل قبل ما ينام مع الدلع إللى بادلعهوله
- أه بس انت برضو معلم ياهنبقة حتى وانت بيضَّحك عليك .
- أه
أحمد البوهى
ليست هناك تعليقات:
إرسال تعليق