عاوز واحد محامى عشان يخرب بيته
يقابل ظريف مدبولى أثناء سيره فى البلد فيقول له : ممكن أقولك نكتة
فيقول له مدبولى باستخفاف : بمناسبة إيه؟
- من غير مناسبة
- يعنى انت ماشى تقول نكت كده لناس انت ماتعرفهاش
- اه
- وأنا مش عاوز أسمع نكت إيه رأيك بقى ؟
- بس أنا عاوز أقول نكتة
- وأنا مالى
- أنا لو ماقولتش نكت بأتعب نفسياً
- أقف قدام المرايا وقول النكت لنفسك
- عملت كده وماضحكتش على النكت إللى بأقولها
- يعنى انت بتقول نكت بايخة لدرجة انك ماضحكتش عليها
- ممكن
- طب ليه عاوز تقولها لى؟
- يمكن انت تضحكك عليها
- بس أنا مش عاوز اضحك دلوقتى
- ليه ؟
- ياسيدى أنا بأحب النكد ايه رأيك بقى ؟
- اسمع النكتة بتاعتى يمكن تنكد عليك
- طب انا لا بأحب النكد ولا بأحب الضحك
- انت مش قولت لى من شوية انك بتحب النكد
- اه ده كان من شوية لكن دلوقتى غيرت رأيى لا عاوز أضحك ولا عاوز اتنكد
- طب اسمع النكتة يمكن ماتأثرش فيك خالص
- برضوا لأ
-أسمع بس النكتة مرة واحد اتنين تلاتة ههههههه
- هى دى النكتة
- أه هههههههه
- هاتو لى واحد محامى بسرعة عشان أرفع عليه قضية وأسجنه وأريح الناس منه ومن نكته
 |
| عاوز واحد محامى عشان يسجنه |
أحمد البوهى
ليست هناك تعليقات:
إرسال تعليق