تحميل لعبة صب واى بطريقة
يقابل سعيد، يونس على المقهى، وهو يلعب، لعبة صب واى فى الموبايل، وكان فى حالة تركيز شديد، فيسأله : بتعمل ايه؟
فيرد يونس، عليه فى تحفز : مش هاقولك.
- ليه؟ انت بتعمل حاجة سر.
- مالكش دعوة
- قولى بس. بتعمل ايه،
- كنت باحمل لعبة صب واى، وخلاص حملتها. من خمس دقايق، عرفت وارتحت.
- وعرفت تحملها.
- اه عرفت.
- طب. يلا العب ورينى شطارتك.
- العب ايه؟
- لعبة صب واى، اللى انت لسه محملها. من على جوجل بلاى.
- مالكش دعوة، بقى يا ولا يا غلس انت، هالعبها. وقت ما احب.
- وانت ليه؟ مش عايز تلعبها دلوقتى
- كده، أنا حر.
- تلاقيك خيبة، ومش عارف تلعبها.
- ملكش دعوة، وامشي بقى يا رخم.
-مش همشى، إلا لما اشوفك، واطمن عليك. انك بتعرف تلعبها.
ويحضر عادل للمقهى، وهم يتكلمون بحدة. مع بعضهما، فيسألهم : هو فيه ايه، وبتتخانقوا مع بعض ليه ؟
فيقول يونس له : الولا ده، يتدخل في خصوصياتي، وبيضايقنى.
فيقول صالح : هو بيقول: انه نزل لعبة صب واى، من جوجل بلاى. من الموبايل بتاعه، وانا باقوله: ورينى، اذا كنت بيعرف تلعبها، ولا لأ.
فيسأل عادل يونس: وانت ليه مش عاوز تخليه يشوفك. وانت بتلعبها ؟
- كده، أنا حر.
فيقول سعيد له : طب. ممكن توريني المحمول بتاعك.
- لا، مالكش دعوة بيه.
- ورينى بس. العب دور واحد، واديهولك
- لأ، حملها عندك على الموبايل، زى أنا ما حملتها.
فيقول عادل له : وانت حملتها ازاى ؟
فيقول يونس له : جبت ونش، وحملتها بيه.
فيقول صالح له : حملت ايه بالونش!!!
فيقول يونس بثقة : حملت لعبة صب واى.
فيضحك عادل : ههههه بالونش.
- أه، ولسه الونش ماشى من شوية.
فيقول عادل مستغرباً: هو ايه اللى لسه ماشى ؟
- الونش.
- يعنى انت حملت اللعبة بالونش.
- اه.
فيقول صالح ساخراً : أه، بيقولك آه، يا زعيم.
فيقول عادل له : طب حملتها ازاى بالونش.
- ماعرفش، أخويا الصغير لسه محملها لى، ومشى.
فيقول صالح متعجباً: بالونش
فيقول يونس بثقة : اه أخويا الصغير حملها لى بالونش.
 |
| تحميل لعبة صب واى بطريقة جديدة جد اً |
وفى تلك الاثناء. يعود أخو يونس، فيقول سعيد له : نفسى أعرف، نزلت لعبة صب واى بالونش ازاى.
فيقول أخو يونس له: حمار مين اللى قالك كده.
فيضحك سعيد ويقول : أخوك.
فيقول يونس لسعيد: بس. ياولا انت يا رخم.
فيقول أخو يونس لأخيه : أنت فاكرنى حملت لك لعبة صب واى. بالونش.
فيقول يونس له : مش انت اللى قولت لى.
فيقول أخيه له : انا باقول لك: هاحملها لك، وامشى، عشان اروح اجيب الونش عشان انقل العفش، من الشقة القديمة لشقتى الجديدة.
فيقول عادل : أنت كنت فاكر انه رايح يجيب الونش، عشان يحمل لك لعبة صب واى من جوجل بلاى.
فيقول يونس : يمكن تكون تقيله، ومش هيقدر يحملها.
فيقول سعيد ليونس: أنت مش قولت لى. انه حملها لك، يبقى هيجيب الونش ليه؟ بقى بعد ما حملها.
يمكن لما لقاها تقيلة. راح يجيب الونش، وانكسف يقول لى.
فيقول سعيد له : يعنى هو. كان حملها لك. ولا لأ.
فيقول يونس له : اسكت يا ولا انت، بدل ما اضربك، اسكت ساكت خالص.
أحمد البوهى
ليست هناك تعليقات:
إرسال تعليق